Вершы: N.C.C.P. (Nuova Compagnia Di Canto Popolare). 11 Mesi E 29 Giorni. Si Vide All'animale.

Si vide all'animale,
ca stanno 'ncopp''a terra
tu pienze sempe a mmale,
tu vide sempe guerra!
'O cane, cu nu strillo,
vo' muzzeca' 'o muscillo,
ca afferra 'o suricillo
pure 'a dint''o mastrillo!
Marame'! Siente, sie'!
Che battaglia, neh!
'A vorpa po' ca e ffina,
aunita cu 'a faina,
s'arrobba a na gallina,
l'azzanna e s''a strascina.
Marame'! Siente, sie'!
Quant'arruobbe, neh!
'O lupo, preputente,
comme si fosse niente,
se mette sott''e diente,
'na pecora 'nnucente.
Marame'! Siente, sie'!
Chella more, 'mbe'!
Largo e tunno
chisto e 'o munno:
pure ll'uommene, se sa,
s'hann''a massacra'.
Che l'afferra
ca 'na guerra
ogne tanto s'hadda fa'?
Forse pe' sfulla'?!
So' 'e putiente,
malamente,
ca cchiu 'a vorza hann''a 'ngrassa',
senz'ave' pieta.
'O prugresso?
More 'o fesso!
Ih che bella civilta!
Che mudernita!
Neh ma overo simme fatte
puorche crape pulicine,
ca ce accidono pe' niente,
ca ce levano 'e stentine?
Nun servimmo p''e ccustate
p''e ssacicce p''o ppresutto.
Nun cacciammo brodo e latte
pe' nun dicere uno 'e tutto.
Cca nuie simmo crestiane,
e tenimmo 'o core 'mpietto.
E c'e cara 'a vita nosta,
percio merita rispetto.
E vedimmo, pe' 'stu fatto,
'e campa' cu 'a legge 'e Ddio!
'Nnanze a Ddio nuie simmo eguale:
nun ce stanno "tu" e "io".
Ma pero 'e Cumandamente
se rispettano? Nun sempe!
E se sape, 'o munno e tristo.
Chisti cca so' brutti tiempe.
E ma allora, 'o munno e tristo
e nisciuno 'o po cagna'?
Mo nce vo', 'e Cumandamente
nun se ponno rispetta'?
Una e 'a guerra ca ce spetta:
e purtroppo l''imm''a fa',
chella lla ca tutt''e juorne
se cumbatte pe' campa'.
'O cane, cu nu strillo,
vo' muzzeca' 'o muscillo,
ca afferra 'o suricillo
pure 'a dint''o mastrillo!
Marame'! Siente, sie'!
Che battaglia, neh!
'A vorpa po' ca e ffina,
aunita cu 'a faina,
s'arrobba a na gallina,
l'azzanna e s''a strascina.
Marame'! Siente, sie'!
Quant'arruobbe, neh!
'O lupo, preputente,
comme si fosse niente,
se mette sott''e diente,
'na pecora 'nnucente.
Marame'! Siente, sie'!
Chella more, 'mbe'!