Вершы: N.C.C.P. (Nuova Compagnia Di Canto Popolare). 11 Mesi E 29 Giorni. Giuvanneniello.

Giuvannenie' Giuvanne
guagliunciello 'e sei sett'anne
mamma toia tene che ffa
sette figlie adda campa
pircio 'a scola te vo' manna.
Ma rint'a chesta scola
nun te 'mpare ddoie parole
dice ca nun saje parla
ca pircio t'avisse 'a scurda
comme parla mamma e papa.
Giuvannenie' Giuvanne
gia tiene a mente
ce sta chi parla bbuono
e chi malamente....
Pircio Giuvanneniello
'sta scola 'a lascia
ca po' parla chi tene 'a mangiatora vascia.
Giuvannenie' Giuvanne
'mmiez''a via a sett'ott'anne
unu ggioco lle piace 'e fa
isso corre annanze e va
e 'n'ato arreto l'adda acchiappa...
'Stu ggioco 'int''o quartiere
'o fa sempe cu 'o brigadiere
quanno chisto l'ha 'ncappato
'o secuta pure 'o pato
ca 'o culleggio l'ha priparato...
Giuvannenie' Giuvanne
mo hanno saputo
ca pure d''o culleggio te ne si fujuto...
Pero Giuvanneniello
miette 'o pensiero,
e da dimane va facenno 'nu mestiere.
Nov'anne e unu mestiere
'o guaglione addu 'o barbiere
'na semmana he 'a fatica
ma quatto sorde te vonno da
e 'o mazzo tanto te fanno fa...
'N'atu mestiere 'o 'ngarre
'o guaglion''e rint''o bar
curre cu 'a guantiera 'e tazze
si nun curre ognuno se 'ncazza
e te pavano 'a sputazza...
Giuvannenie' Giuvanne
sott'acqua e viento
se spogna 'sta fatica e nun guaragne niente.
Pircio si cagna ancora
'n'atu mestiere
s''o 'mpara cu 'e cumpagn''e 'ncopp''e Filangiere.
Mo ferm'a 'na signora
- Neh signo' sapite ll'ora? -
Chella guarda 'a part''e lla
'nu zumpo 'a borza 'a puo' sceppa
fujenno primma ca po sciata..
Sceppanno t'arrevota
fuje 'ncopp'a 'sti ddoi' rote
isso arreto 'n'ato annaze
songo scippe fatt''e lanze
nun ce sta cchiu chi se scanza.
Giuvannenie' Giuvanne
ma 'o munno aspetta
e vene 'o juorno ca t''e mette 'sti manette...
Giuvanneniell''o ddice
pure 'o ggiurnale
'sta corza l'he fernuta mo a Puceriale.
Giuvannenie' Giuvanne
rint''a cella a ssirece anne
nun appena ca e arrivato
te l'abboffano 'e mazzate,
pe' sape cu chi e assuciato...
E allora dint''o scuro
se da 'a capa rint''o muro
corre 'a guardia e 'o piglia 'e pietto
- Chisto e pazzo o fa 'e dispiette! -
e l'attacca 'ncopp''o lietto...
Giuvannenie' Giuvanne
no nun e pazzo
si trase 'o manicomio e malatia 'e razza.
'Na razza 'e guagliuncielle
tutt''e sirice anne
ca a Napule se chiammano comm'a Giuvanne...
'Na razza 'e guagliuncielle
tutt''e sirice anne
chiammate tuttuquante propeto Giuvanne.