Вершы: Canta U Populu Corsu. Ghjennaghju.

Un ghjornu singhjuzzava a vigilia bughjura
I carrughji attuniti cuntavanu i so morti...
Tandu entre u pastore cum'e battelli a i porti
Calmi e s'indinoghja e sdrughje a paura.

Prega a core scioltu e si sparghje l'amore
S'he zitta ancu l'aria aspettendu a chjama
Di a voce porta pace chi tutta a ghjente abbrama
S'he piatta ancu a zerga e parla u signore.

"Statu onniputente tu chi stai in l'imperu
Di forze accanite e di ferru e di focu
Lacami sti figlioli e lacami stu locu
Un manda piu saette contr'a u so addisperu.

Un parlemu di lege e guardemu li dritti
Si so pisati tutti contr'a a to inghjustizia
Di mani e di voce ne cresce una divizia
Schizzera torna u sangue se tu un li lachi arritti..."

Ma queste un so voce chi sente a preputenza
He debbule u Signore in pettu a u statu petra
I fiumi impauriti correnu a l'ombra tetra
Di a guerra chi rinnova quell'antica viulenza