Вершы: Canta U Populu Corsu. E Muntagne D'ese.

Qui so surgenti curtese
E di lume l'eternu sugiornu
Quassu per e muntagne d'Ese
Se tu ci torni mai un ghjornu
Di silenziu n'aghju un tesoru
E un ricordu di quelli ochji d'oru

Qui cantanu mille fole
A' e frebbe d'inguernu intrecciate
Da Tarmini a Scaldasole
A Foce d'Astra calma in le fruppate
Di bellezze n'aghju un tesoru
E un ricordu di quelli ochji d'oru

Quandi ferraghju ni he chjosu
In le furie di i venti suprani
Altieru canta Renosu
Cun centu cialambelle in le mani
D'armunie n'aghju un tesoru
E un ricordu di quelli ochji d'oru

Di sogni e d'orizonti
N'aghju li prufumi discreti
Di l'Amicizia di'ssi monti
Ne tengu i quaterni secreti
Di sole e ventu n'aghju un tesoru
E un ricordu di quelli ochji d'oru