Вершы: Canta U Populu Corsu. C'Hè Dinù. Vergogna à Tè.

Nant'a a piaghja luminosa
Di mullizzu suminata,
C'he tanta ghjente accatastata
Nant'a a rena dulurosa.
Vergogna a te chi vende a terra !

Qui ind'e u strangeru ha cumpratu
C'he una casa vituperia,
Chi stupa nant'a a miseria
Di u to locu abbandunatu.
Vergogna a te chi vende a terra !

In quelle campagne brusgiate
Piu mancu un cane un abbaghja,
Magra trista la ghjandaghja
Canta e stagione malate.
Vergogna a te chi vende a terra !

A rimigna in campusantu
Tra mez'a e tombe s'he stese,
E di u tempu l'offese
Men'a u sguardu ogni tantu.
Vergogna a te chi vende a terra !

E l'estate ti vede fieru
Sbarc'a mezu e to ruine,
Cu e manere parrighjine
Di l'omu senza pinseru.
Vergogna a te chi vende a terra !

Un torna piu o traditore
Chi si ride di e mio pene,
U sangue di le to vene
Di u soldu ha lu culore.
Vergogna a te chi vendi a terra !
Vergogna a te chi vendi a terra